מִשִּׂיחוֹת אאמו״ר (אֲדוֹנִי אָבִי מוֹרִי וְרַבִּי): יְצִיאַת מִצְרַיִם אִיז דעֶר אַרוֹיסגעֶהן פוּן מְצָרִים וּגְבוּלִים, אוּן חֲסִידוּת אִיז אוֹיף אַרוֹיסגעֶהן פוּן דִי מְצָרִים אוּן גְבוּלִים פוּן וועֶלט.

עֶס אִיז פאַראַן אַ הֶפְרֵשׁ: יצי״מ (יְצִיאַת מִצְרַיִם) אִיז אַ עִנְיָן פוּן שְׁבִירָה אוּן עֲזִיבָה, דעֶרפאַר אִיז מעֶן אַוועֶק פוּן מִצְרַיִם. יצי״מ פוּן חֲסִידוּת אִיז בֵּירוּר אוּן תִּקוּן, יְצִיאָה פוּן מְצָרִים אוּן גְבוּלִים פוּן וועֶלט אָבּעֶר אִין וועֶלט. ד. ה. (דאָס הֵייסט) זַייעֶנדִיג אִין וועֶלט בּאַדאַרפעֶן זַיין אִין אַ יְצִיאָה פוּן מֵיצַר וּגְבוּל פוּן וועֶלט. אַראָפּנעֶהמעֶן דעֶם מֵיצָר וּגְבוּל אוּן דעֶרהעֶרעֶן דעֶם אֱמֶת, אַז וועֶלט אַלֵיין אִיז בֶּאֱמֶת גוּט, וַוייל דאָס אִיז דאָך רְצוֹנוֹ יִתְבָּרֵךְ, אִיז דאָס דוּרךְ עֲבוֹדָה פוּן חֲסִידוּת.