דעֶר בּעש״ט (בַּעֲל שֵׁם טוֹב) פלעֶגט לעֶרנעֶן מִיט זַיינעֶ תַּלְמִידִים אַ שִׁיעוּר גְמָרָא. דעֶר אוֹפֶן פוּן דעֶם לעֶרנעֶן אִיז געֶוועֶן מִיט גרוֹיס חֲרִיפוּת אוּן גְאוֹנוֹת, אוּן מ׳האָט געֶלעֶרעֶנט דעֶם רַמְבַּ״ם אַלְפַס רָא״שׁ אוּן אַנדעֶרעֶ מְפָרְשִׁים פוּן דִי רִאשׁוֹנִים וועֶלכעֶ זַיינעֶן שַׁיָּיךְ געֶוועֶן צוּ דעֶר גְּמָרָא וואָס מ׳האָט געֶלעֶרעֶנט. דעֶר בּעש״ט (בַּעֲל שֵׁם טוֹב) פלעֶגט אָפטַייטשׁעֶן דִי וועֶרטעֶר אִין אִידִישׁ. אַז מ׳האָט געֶלעֶרעֶנט עֲרָכִין אוּן געֶקוּמעֶן צוּם מארז״ל (מַאֲמָר רַבּוֹתֵינוּ זִכְרוֹנָם לִבְרָכָה) (טו ב) לָשׁוֹן תְּלִיתָאי קָטִיל תְּלִיתָאי, האָט דעֶר בעש״ט (בַּעֲל שֵׁם טוֹב) דאָס אוֹיסגעֶטַייטשׁט: לָשׁוֹן הָרָע האַרג׳ט אַלעֶ דְרַיי: דעֶם אוֹיסטראַכטעֶר דעֶם דעֶרצֵיילעֶר אוּן דעֶם צוּהעֶרעֶר, נאָר דאָס אִיז אִין לְבוּשִׁים רוּחְנִים, וואָס דאָס אִיז שׁוועֶרעֶר, וִוי רְצִיחָה אִין גַּשְׁמִיּוּת.